اپنے کیریئر میں جہاں ہوں ایسا ہی کھیلنا چاہتا تھا، روہت شرما
بھارت کو آئی سی سی چیمپئنز ٹرافی کا ٹائٹل جتوانے والے کپتان روہت شرما نے کہا ہے کہ اپنی ٹیم پر فخر ہے، میں اپنے کیریئر میں جہاں ہو ایسا ہی کھیلنا چاہتا تھا۔
بھارتی ٹیم کے کپتان روہت شرما کو چیمپئنز ٹرافی کے فائنل میں ذمہ دارانہ اننگز کھیلنے پر مین آف دی میچ سے بھی نوازا گیا۔
اس موقع پر گفتگو کے دوران ان کا کہنا تھا کہ ہم نے پورے ٹورنامنٹ میں بہت اچھا کھیلا، مجھے پوری ٹیم اور مینجمنٹ کی سپورٹ حاصل تھی۔
انہوں نے کہا کہ میں اپنے کیریئر کی اس جگہ پر ایسا ہی کھیلنا چاہتا تھا، میرا ذہن بالکل کلیئر تھا اور میں جانتا تھا کہ کیا کرنا ہے، میں نے ٹیم کے لیے جو کیا اس پر خوش ہوں۔
بھارتی ٹیم کے کپتان کا کہنا تھا کہ ہماری بیٹنگ لائن بہت مضبوط ہے اور 8ویں نمبر تک ہماری بیٹنگ موجود ہے، سب لڑکوں نے اچھی کارکردگی کا مظاہرہ کیا۔
لائیو ٹی وی