پاکستان اور نیوزی لینڈ ٹی20 سیریز کی ٹرافی کی رونمائی کردی گئی
پاکستان اور نیوزی لینڈ کے درمیان ہونے والی ٹی20 سیریز کی ٹرافی کی رونمائی کردی گئی۔
نیوزی لینڈ کے شہر کرائسٹ چرچ کے خوبصورت مقام پورٹ ہلز پر پاکستان اور نیوزی لینڈ کے درمیان ٹی20 سیریز کی ٹرافی کی رونمائی کی گئی۔
ٹی20 سیریز کے لیے ٹرافی کی رونمائی پاکستان کی جانب سے ٹی20 کپتان سلمان علی آغا کی جگہ محمد حارث نے کی جبکہ نیوزی لینڈ کی جانب سے ایش سودھی تقریب میں شریک ہوئے۔
ذرائع نے بتایا کہ قومی ٹیم کی جانب سے صائم ایوب کی غیر موجودگی میں عمیر بن یوسف اور حسن نواز اننگز کا آغاز کریں گے جب کہ محمد حارث، سلمان علی آغا اور عرفان نیازی مڈل آرڈر کے طور پر کھیلیں گے۔
اسی طرح، نائب کپتان شاداب خان اور خوشدل شاہ بطور آل راؤنڈر ٹیم کا حصہ ہوں گے، باؤلنگ میں جہانداد خان، شاہین آفریدی اور حارث رؤف شامل ہوں گے جب کہ اسپیشلسٹ اسپنر کے طور پر ابرار احمد اسکواڈ کا حصہ ہوں گے۔
واضح رہے کہ پاکستان اور نیوزی لینڈ کے درمیان 5 ٹی20 انٹرنیشنل پر مشتمل سیریز کا پہلا میچ اتوار کو کھیلا جائے گا۔
لائیو ٹی وی