کراچی: ٹریفک حادثات میں 3 موٹرسائیکل سوار جاں بحق، کنکریٹ مکسر نذرآتش
کراچی میں مختلف ٹریفک حادثات میں موٹر سائیکل سوار 3 افراد جاں بحق ہوگئے، مشتعل افراد نے کنکریٹ مکسر کو آگ لگادی، پولیس نے واقعے کے ذمے دار 2 ڈرائیورز کو گرفتار کرلیا۔
ڈان نیوز کے مطابق جوہر موڑ کے قریب تیز رفتار سیمنٹ مکسچر کی ٹکر سے 25 سالہ موٹر سائیکل سوار عبدالصبور جاں بحق ہوگیا، موقع پر موجود مشتعل افراد نے کنکریٹ مکسر کو آگ لگادی، پولیس نے ڈرائیور کو گرفتار کرلیا۔
لیاقت آباد نمبر دس میں ٹریلر کی ٹکر سے موٹر سائیکل سوار جاں بحق ہوگیا، جاں بحق کی شناخت حیدر قریشی کے نام سے ہوئی، پولیس نے ٹریلر کو تحویل میں لے کر ڈرائیور کو گرفتار کرلیا۔
کیماڑی ایک نمبر میں نامعلوم گاڑی کی ٹکر سے موٹر سائیکل سوار شخص جاں بحق ہوگیا، ریسکیو کے مطابق جاں بحق شخص کی شناخت نہیں ہو سکی، لاش کو ہسپتال منتقل کردیا گیا۔
لائیو ٹی وی