بُلندی پر پہنچنے کے بعد سونے کی قیمتوں میں یکدم بڑی کمی
کئی روز سے نئی بُلندی پر پہنچنے کے بعد سونے کی فی تولہ قیمتوں میں آج یکدم بڑی کمی ہوگئی۔
سرکاری خبر رساں ادارے ’اے پی پی‘ کے مطابق آل پاکستان صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط کے حامل فی تولہ خالص سونے کا بھاؤ 2 ہزار روپے تنزلی سے 3 لاکھ 18 ہزار 800 روپے ہو گیا۔
اسی طرح 24 قیراط 10 گرام سونے کے نرخ ایک ہزار 712 روپے گر کر 2 لاکھ 73 ہزار 319 روپے ریکارڈ کیے گئے جبکہ 22 قیراط 10 گرام سونا ایک ہزار 572 روپے نیچے آ کر 2 لاکھ 50 ہزار 551 روپے میں فروخت ہوا۔
ادھر، فی تولہ چاندی کی قیمت بھی 49 روپے کمی سے 3 ہزار 475 روپے ہوگی جبکہ 10 گرام چاندی کے دام 42 روپے تنزلی سے 2 ہزار 979 روپے رہے۔
ایسوسی ایشن نے رپورٹ کیا کہ عالمی منڈی میں فی اونس سونا 19 ڈالر سستا ہو کر 3 ہزار 31 ڈالر ریکارڈ کیا گیا ہے۔
واضح رہے کہ گزشتہ روز فی تولہ نرخ ایک ہزار 800 روپے بڑھ کر 3 لاکھ 20 ہزار 800 روپے کی نئی بُلند ترین سطح پر پہنچ گئے تھے۔
اسی طرح 24 قیراط 10 گرام سونے کا بھاؤ 1543 روپے اضافے سے 2 لاکھ 75 ہزار 34 روپے ہو گیا تھا جبکہ 22 قیراط 10 گرام سونا ایک ہزار 423 روپے مہنگا ہو کر 2 لاکھ 52 ہزار 123 روپے میں فروخت ہوا تھا۔
لائیو ٹی وی