طورخم بارڈر پر اسمگلنگ میں ملوث 50 بچے جرگے کے ذریعے افغانستان ڈی پورٹ
طورخم بارڈر پر اسمگلنگ میں ملوث 50 افغان بچوں کو قبائلی جرگے کے ذریعے افغانستان ڈی پورٹ کر دیا گیا۔
ڈان نیوز کے مطابق یومیہ 700 سے زائد افغان بچے غیر قانونی طور پر پاکستان میں داخل ہونے کی کوشش کرتے ہیں، قبائلی جرگے نے جذبہ خیر سگالی کے تحت گرفتار بچوں کو رہا کرکے براستہ طورخم افغانستان جانے کی اجازت دی، افغان بچے نادانستہ طور پر منشیات و تخریب کار مواد کی اسمگلنگ میں ملوث ہیں۔
پولیس حکام کا کہنا ہے کہ یہ بچے غیر قانونی طور پر باڑ کو پار کرکے پاکستان داخل ہوتے ہیں، جرگہ ممبران کہتے ہیں کہ بچوں کو غیر قانونی کاموں میں ملوث کرنا اخلاقی اور قانونی جرم ہے، والدین انہیں تعلیم دلائیں، جرگے کے ذریعے بچوں کی رہائی پر فرنٹیئر کور نارتھ اور پولیس کے مشکور ہیں۔
جرگہ ممبر علی شینواری نے کہا کہ بچوں کو اس عمر میں جیل میں قید کرنا مناسب نہیں ہے، انہوں نے بتایا کہ افغانستان کے حوالے کیے گئے 50 بچوں میں 17 بچیاں بھی شامل ہیں۔
لائیو ٹی وی