سونے کی اونچی اڑان جاری، فی تولہ نرخ 3 لاکھ 25 ہزار 500 روپے کی نئی بلند سطح پر
ملک بھر میں سونے کی قیمتوں میں ریکارڈ اضافے کا سلسلہ جاری ہے، آج فی تولہ نرخ 500 روپے اضافے کے بعد 3 لاکھ 25 ہزار 500 روپے کی نئی بُلند ترین سطح پر پہنچ گئے۔
سرکاری خبر رساں ادارے ’اے پی پی‘ کے مطابق آل پاکستان صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط کے حامل فی تولہ خالص سونے کے دام 500 روپے بڑھ کر 3 لاکھ 25 ہزار 500 روپے تک جا پہنچے۔
اسی طرح 24 قیراط 10 گرام سونا 428 روپے مہنگا ہو کر 2 لاکھ 79 ہزار 63 روپے میں فروخت ہوا، جبکہ 22 قیراط 10 گرام سونے کا بھاؤ 393 روپے بڑھ کر 2 لاکھ 55 ہزار 817 روپے ریکارڈ کیا گیا۔
ادھر، فی تولہ اور 10 گرام چاندی کے نرخ 3 ہزار 580 روپے اور 3 ہزار 69 روپے پر برقرار رہے۔
ایسوسی ایشن کے مطابق عالمی منڈی میں فی اونس سونا مزید 5 ڈالر مہنگا ہو کر 3 ہزار 89 ڈالر پر پہنچ گیا۔
واضح رہے کہ 29 مارچ کو 24 قیراط کے حامل فی تولہ خالص سونے کا بھاؤ 1620 روپے اضافے سے 3 لاکھ 25 ہزار روپے کی نئی بُلندی پر پہنچا تھا۔
اسی طرح 24 قیراط 10 گرام سونا 1389 روپے مہنگا ہو کر 2 لاکھ 78 ہزار 635 روپے میں فروخت ہوا تھا۔
لائیو ٹی وی