لیبیا کشتی حادثے میں ملوث 2 انسانی اسمگلرز فیصل آباد میں گرفتار
وفاقی تحقیقاتی ادارے (ایف آئی اے) کے اینٹی منی لانڈرنگ سرکل فیصل آباد نے لیبیا کشتی حادثے میں ملوث 2 اشتہاری انسانی اسمگلرز گرفتار کر لیے۔
ڈان نیوز کے مطابق ترجمان ایف آئی اے نے بتایا کہ لیبیا کشتی حادثے میں ملوث دو اشتہاری انسانی اسمگلرز کو گرفتار کیا گیا ہے، ملزمان کی شناخت عطا اللہ اور فیصل شہزاد کے نام سے ہوئی، جن کا تعلق سیالکوٹ سے ہے۔
ترجمان نے بتایا کہ ملزمان نےشہریوں کو بیرون ملک ملازمت کا جھانسہ دے لاکھوں روپے ہتھیائے، ملزمان نےشہریوں کو غیر قانونی طور پر اٹلی بھجوانے کے لیے بھاری رقوم وصول کی۔
ترجمان ایف آئی اے کے مطابق ملزمان نے دو شہریوں کو غیرقانونی لیبیا کے راستے اٹلی بھجوانے کی کوشش کی، ملزمان محمد ندیم اور اجمل کولیبیا میں واقع سیف ہاؤسز میں یرغمال بنا کر تشدد کیا، شہری محمد ندیم کی کشتی حادثے میں موت واقع ہوئی، ملزمان نے انسانی اسمگلنگ سے حاصل شدہ رقوم سے جائیدادیں بھی خریدیں۔
لائیو ٹی وی