سونے کی قیمتوں میں ریکارڈ اضافہ جاری، فی تولہ نرخ نئی بُلندی پر پہنچ گئے
سونے کی قیمتوں میں اضافے کا رجحان جاری ہے آج بھی فی تولہ نرخ ایک ہزار 800 روپے بڑھ کی تاریخ کی نئی بُلند ترین سطح 3 لاکھ 40 ہزار 600 روپے تک جا پہنچے۔
سرکاری خبر رساں ادارے ’اے پی پی‘ کے مطابق آل پاکستان صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط کے حامل فی تولہ خالص سونے کے دام 1800 روپے بڑھ کر 3 لاکھ 40 ہزار 600 روپے ریکارڈ کیے گئے۔
اسی طرح 24 قیراط 10 گرام سونا ایک ہزار 543 روپے مہنگا ہو کر 2 لاکھ 92 ہزار 9 روپے میں فروخت ہوا جبکہ 22 قیراط کے حامل 10 گرام سونے کا بھاؤ 2 لاکھ 67 ہزار 684 روپے ہو گیا۔
ادھر، فی تولہ اور 10 گرام چاندی کی قیمت بالترتیب 3 ہزار 234 روپے اور 2 ہزار 772 روپے پر برقرار رہی۔
ایسوسی ایشن نے رپورٹ کیا کہ عالمی منڈی میں فی اونس سونا 18 ڈالر اضافے سے 3 ہزار 236 ڈالر پر پہنچ گیا۔
واضح رہے کہ گزشتہ روز 24 قیراط فی تولہ خالص سونا 10 ہزار روپے مہنگا ہو کر 3 لاکھ 38 ہزار 800 روپے کا ہو گیا تھا۔
اسی طرح 24 قیراط 10 گرام سونےکی قیمت 8 ہزار 573 روپے بڑھ کر 2 لاکھ 90 ہزار 466 روپے ہو گئی، جبکہ 22 قیراط 10 گرام سونا 2 لاکھ 66 ہزار 261 روپے میں فروخت ہوا تھا۔
لائیو ٹی وی