متحدہ عرب امارات 15 اپریل (آج) سے وفاقی پرسنل اسٹیٹس قانون میں تبدیلیوں کا اطلاق کرے گا۔

خلیج ٹائمز کو دستیاب نئے قانون کی نقل میں پہلی بار ان معاملات کو ریگولیٹ کرنے کی دفعات متعارف کرائی گئی ہیں۔

اماراتی حکومت کے مطابق نئے قانون کی دفعات لچک، طریقہ کار کو آسان بنانے، تصورات اور قانونی مدتوں کو یکجا کرنے کی خصوصیت کی حامل ہیں۔

جیسا کہ جنوری میں ’خلیج ٹائمز‘ نے رپورٹ کیا تھا کہ وفاقی قانون میں شادی کی رضامندی، تحویل کی عمر کی حد اور طلاق کے طریقہ کار کے بارے میں قواعد شامل ہیں۔

شریک حیات کے انتخاب کا حق

نئے قانون کے مطابق خواتین اپنی پسند کے شریک حیات سے شادی کر سکتی ہیں، بھلے ہی ان کے سرپرست انکار کر دیں، غیر شہری مسلم خواتین کے لیے یہ قانون واضح کرتا ہے کہ اگر ان کی شہریت کے قانون میں شادی کے لیے سرپرست ہونا ضروری نہیں ہے تو ان کی شادی کے لیے بھی سرپرست کی رضامندی کی ضرورت نہیں۔

شادی کی عمر

حکم نامے میں کہا گیا ہے کہ شادی کی قانونی عمر 18 سال ہے، اگر 18 سال سے زائد عمر کا کوئی شخص شادی کرنا چاہتا ہے، لیکن اسے اپنے سرپرست کی جانب سے انکار کا سامنا کرنا پڑتا ہے تو اسے جج کے پاس اپیل کرنے کا حق حاصل ہے۔

قانون ان جوڑوں کو بھی بااختیار بناتا ہے جو ایسی عمر تک نہیں پہنچے کہ وہ قانونی سرپرست یا نگہبان کی ضرورت کے بغیر اپنی شادی سے متعلق معاملات کو آزادانہ طور پر منظم کرسکتے ہیں۔

عمر کا فرق

اگر خاتون اور شادی کے خواہش مند مرد کے درمیان عمر کا فرق تیس (30) سال سے زیادہ ہو تو شادی صرف عدالت کی اجازت سے ہی کی جا سکتی ہے۔

منگنی کی قانونی تعریف

منگنی ایک مرد کی درخواست ہے کہ وہ کسی ایسی عورت سے شادی کرے گا جو اس کے لیے جائز ہو، اس کے ساتھ ساتھ شادی کا وعدہ بھی کرتے گا، تاہم منگنی کو شادی نہیں سمجھا جاتا ہے۔

یہ تجویز شادی کی درخواست اور اس کا وعدہ ہے اور اسے شادی نہیں سمجھا جائے گا۔

منگنی منسوخ ہونے پر تحائف کی واپسی

تحائف صرف اسی صورت میں واپس کیے جا سکتے ہیں، جب وہ شادی کو حتمی شکل دینے کی شرط پر دیے گئے ہوں، 25 ہزار درہم سے زائد مالیت کے قیمتی تحائف کو یا تو قسم میں یا وصولی کے وقت ان کی قیمت کی بنیاد پر دوبارہ حاصل کیا جاسکتا ہے، بشرطیکہ وہ فطری طور پر قابل استعمال نہ ہوں۔

ازدواجی گھر

بیوی اپنے شوہر کے ساتھ ایک مناسب گھر میں رہے گی، جب تک کہ شادی کے معاہدے میں دوسری صورت میں کچھ اور طے نہ کرلیا جائے۔

گھر میں رہنے کی اجازت والے زمرہ جات

شوہر اپنی بیوی کے ساتھ ازدواجی گھر میں اپنے والدین اور دوسری شادیوں سے ہونے والے بچوں کے ساتھ رہ سکتا ہے، اگر وہ ان کی مالی مدد کا ذمہ دار ہے، اگر اس سے بیوی کو نقصان نہیں پہنچتا ہے۔

بیوی ازدواجی گھر میں دوسری شادی سے اپنے بچوں کے ساتھ رہ سکتی ہے، اگر ان کا کوئی دوسرا سرپرست نہیں ہے، یا اگر ان کی علیحدگی سے انہیں نقصان پہنچے گا، یا اگر شوہر اس پر واضح طور پر راضی ہو جائے۔

شوہر کو یہ حق حاصل ہے کہ اگر اس انتظام سے اسے نقصان پہنچے تو وہ دستبردار ہو جائے۔

اگر میاں بیوی دونوں ازدواجی گھر یا اس کی لیز کی ملکیت رکھتے ہیں تو، کسی دوسرے فریق کی رضامندی کے بغیر کوئی اور ان کے ساتھ نہیں رہ سکتا۔

تحویل اور والدین کے حقوق

قانون واضح کرتا ہے کہ گھر چھوڑنا یا کام پر جانا ازدواجی ذمہ داریوں کی خلاف ورزی نہیں ہے، یہ خاندان کی فلاح و بہبود پر غور کرنے کی اہمیت پر زور دیتا ہے۔

اس میں تحویل کے قوانین میں ترامیم بھی متعارف کرائی گئی ہیں جس میں وارڈ کے مفادات کو سب سے زیادہ ترجیح دی گئی، اور طلاق یافتہ والدین کے درمیان تحویل کے حقوق پر تنازعات کی روک تھام کی گئی ہے۔

دونوں فریقین کے لیے تحویل ختم کرنے کی عمر بڑھا کر 18 سال کر دی گئی ہے، جس سے سابقہ تضادات ختم ہو گئے ہیں۔

یہ قانون اب 15 سال اور اس سے زیادہ عمر کے بچوں کو یہ منتخب کرنے کی اجازت دیتا ہے کہ وہ والدین مین سے کس کے ساتھ رہنا چاہتے ہیں۔

سزا

نئے قانون میں نابالغوں کی جائیداد کے غلط استعمال، بغیر اجازت بچوں کے ساتھ سفر کرنے اور والدین کی ذمہ داریوں کو نظر انداز کرنے جیسے جرائم کے لیے 5 ہزار درہم سے لے کر ایک لاکھ درہم تک قید یا جرمانے سمیت سخت سزائیں بھی شامل ہیں۔