فوج، عوام پر حملے برداشت نہیں کریں گے، نواز
اسلام آباد: وزیراعظم نوازشریف نے کہا ہے کہ فوج اور عوام پر حملے ہرگز برداشت نہیں کیے جائیں گے۔
ڈان نیوز کے مطابق پیر کے روز وزیر اعظم نواز شریف کی زیر صدارت سیکورٹی صورتحال پر اجلاس میں انسداد دہشت گردی سے متعلق قانون سازی، کراچی اور فاٹا میں جاری آپریشنز کا جائزہ لیا گیا۔
اجلاس میں وزیرداخلہ چوہدری نثار، آرمی چیف جنرل راحیل شریف، ڈی جی آئی ایس آئی، ڈی جی ایم آئی و دیگر سیکیورٹی حکام نے شرکت کی۔
وزیر اعظم نے کہا کہ انسداد دہشتگردی سے متعلق زیر التوا مسودہ قانون کو جلد حتمی شکل دی جائے گی۔
نوازشریف نے کہا کہ سویلین اور آرمڈ فورسز پر حملے برداشت نہیں کیے جائیں گے انہوں نے اعلٰی سیکیورٹی حکام کو ہدایت کی کہ دہشت گردی کے حملے کرنے والوں کے خلاف کارروائی کی جائے۔
لائیو ٹی وی