دسمبر میں افغان طالبان نے ہیلی کاپٹر کو تباہ کیا تھا: امریکی حکام
واشنگٹن: نیٹو حکام کا کہنا ہے کہ گزشتہ سال دسمبر میں افغانستان کے جنوب میں ایک امریکی ہیلی کاپٹر کو طالبان باغیوں نے گرا کر تباہ کیا تھا۔
اس واقعہ کو پہلے ایک حادثہ بتایا گیا تھا۔
یاد رہے کہ گزشتہ سال 17 دسمبر کو افغان صوبے زابل میں ایک امریکی ہیلی کاپٹر کے گرنے سے چھ امریکی فوجی ہلاک ہوگئے تھے، لیکن ابتداء میں اس واقعہ کی درست وجہ معلوم نہیں ہوئی تھی۔
نیٹو کی انٹرنیشنل سیکیورٹی فورسز ایساف نے ایک ای میل میں خبررساں ادارے اے ایف پی کو بتایا کہ سترہ دسمبر کو فوجیوں کے اہل خانہ کو ہلاک کرنے کی کارروائی طالبان کی جانب سے کی گئی۔
انہوں نے کہا کہ اس واقعہ سے متعلق تفتیش ابھی جاری ہے مکمل تفتیش کے بعد مزید معلومات فراہم کی جائیں گی۔
امریکی دفاع حکام کا کہنا ہے کہ تفتیشن میں اس بات کو بھی دیکھا جارہا ہے کہ اس ہیلی کاپٹر کو اس وقت دیسی ساختہ بم سے نشانہ بنایا گیا جب یہ نچلی پرواز کررہا تھا۔
اس واقعہ کے چند گھنٹوں کے بعد امریکی حکام نے ہیلی کاپٹر کے گرنے کی وجہ تکنیکی خرابی بتائی تھی۔
لائیو ٹی وی