اے ایس آئی نے کانسٹیبل کی موٹر سائیکل چوری کرلی
لاہور: قلعہ گجر سنگھ پولیس نے چوری کی ایف آئی آر درج کرانے کے 24 گھنٹے کے اندر اندر اپنے ہی "گھر میں" چوری کا کیس حل کرنے کا دعویٰ کیا ہے۔
پولیس کے مطابق قلعہ گجر سنگھ کے کانسٹیبل فریاد نے اپنی موٹر سائیکل انوسٹی گیشن ونگ کے ڈپٹی انسپکٹر جنرل (ڈی آئی جی) کے دفتر کے باہر کھڑی کی۔
ڈیوٹی کے اوقات ختم ہونے کے بعد جب فریاد پارکنگ ایریا پہنچا تو اُس نے اپنی موٹر سائیکل کو غیر موجود پایا، فریاد نے اپنی بائیک اِدھر اُدھر تلاش کی، لیکن ناکام رہا۔
آخر کار اُس نے پارکنگ ایریا کے قریب نصب سی سی ٹی وی کیمرے کی ویڈیو فوٹیج حاصل کی۔
اور اُس وقت کانسٹیبل فریاد کی حیرت کی انتہا نہ رہی جب اس نے ویڈیو فوٹیج میں اپنے ہی ایک افسر اے ایس آئی سکندر کو مذکورہ بائیک لے جا تے ہوئے دیکھا۔
سی سی ٹی وی فوٹیج کی بنیاد پر فریاد نے اے ایس آئی کے خلاف شکایت درج کرائی، جنھیں اتوار کی صبح گرفتار کرلیا گیا۔
تاہم کانسٹیبل فریاد کو ابھی تک ان کی موٹر سائیکل حاصل کرنے میں کامیابی نہیں مل سکی کیونکہ اے ایس آئی سکندر کا دعویٰ ہے کہ انھوں نے پیٹرول ختم ہونے کے بعد بائیکل کو راستے میں ہی کہیں چھوڑ دیا تھا۔
لائیو ٹی وی
تبصرے (1) بند ہیں