پی ایس ایل8 کے لاہور اور راولپنڈی کے میچز شیڈول کے مطابق منعقد ہوں گے، نجم سیٹھی

Fri November 22, 2024

19 Jumada Al-Awwal 1446

Watch Live

KHI: Asr 4:07pm Maghrib 5:43pm
LHR: Asr 3:24pm Maghrib 5:01pm
ISB: Asr 3:24pm Maghrib 5:01pm
KHI: Asr 4:07pm Maghrib 5:43pm
LHR: Asr 3:24pm Maghrib 5:01pm
ISB: Asr 3:24pm Maghrib 5:01pm

پہلا صفحہ تازہ ترین

موسمیاتی تبدیلی اسرائیل حماس جنگ فیکٹ چیک صحت حیرت انگیز

کھیل

پی ایس ایل8 کے لاہور اور راولپنڈی کے میچز شیڈول کے مطابق منعقد ہوں گے، نجم سیٹھی

اسپورٹس ڈیسک شائع February 26, 2023

پاکستان کرکٹ بورڈ کی مینجمنٹ کمیٹی کے چیئرمین نجم سیٹھی نے تعاون کرنے پر نگراں وزیراعلیٰ پنجاب کا شکریہ ادا کیا— فائل فوٹو: اے ایف پی

واٹس ایپ چینل

پاکستان کرکٹ بورڈ کی مینجمنٹ کمیٹی کے چیئرمین نجم سیٹھی نے کہا ہے کہ پاکستان سپر لیگ کے لاہور اور راولپنڈی میں ہونے والے میچز شیڈول کے مطابق ہوں گے۔

نجم سیٹھی نے سماجی رابطوں کی ویب سائٹ ٹوئٹر پر اپنے پیغام میں نگراں وزیر اعلیٰ پنجاب محسن نقوی کا شکریہ ادا کرتے ہوئے کہا کہ انہوں نے لائٹنگ روٹس پر آنے والی لاگت شیئر کرنے پر اتفاق کیا ہے اور اب پاکستان سپر لیگ کے لاہور اور راولپنڈی میں ہونے والے میچز شیڈول کے مطابق منعقد ہوں گے۔

پنجاب حکومت اور پاکستان کرکٹ بورڈ کے درمیان لاہور اور راولپنڈی میں ہونے والے میچز پر مذاکرات جاری تھے جہاں حکومت پنجاب نے سیکیورٹی کے لیے پی سی بی سے 45کروڑ روپے کی ادئایگی کا مطالبہ کیا تھا۔

پنجاب حکومت نے اس سے قبل ٹیم کو ہوٹلوں سے قذافی اسٹیڈیم تک کے راستے کو روشن کرنے پر رضامندی ظاہر کی تھی لیکن پی سی بی کے ساتھ اس سلسلے میں مذاکرات تعطل کا شکار رہے اور ایک موقع پر ایسا محسوس ہو رہا تھا کہ پی ایس ایل کو لاہور اور راولپنڈی سے کراچی منتقل کردیا جائے گا کیونکہ سیکورٹی اخراجات پر دونوں فریقین کے درمیان اپنے موقف پر ڈٹے ہوئے تھے۔

پنجاب حکومت نے سیکیورٹی فنڈز کے لیے درکار 45کروڑ کے بجائے اپنے مطالبے میں کمی کرتے ہوئے بورڈ سے 25کروڑ کی ادائیگی کا مطالبہ کیا تھا لیکن پی سی بی یہ کہتے ہوئے رقم کی ادائیگی سے انکار کر دیا تھا کہ پاکستان میں بین الاقوامی کرکٹ کی بحالی کے سلسلے میں 2014 میں ہونے والے معاہدے کے تحت ٹیموں کو سیکیورٹی فراہم کرنا حکومت کی ذمہ داری ہے۔

پی سی بی نے اس سلسلے میں بورڈ کے پیٹرن ان چیف وزیر اعظم شہباز شریف سے بھی اس سلسلے میں گفتگو کی تھی۔

پنجاب حکومت کی وزارتی کمیٹی کے فوکل پرسن منصور قادر نے ڈان کو بتایا تھا کہ لائٹس لگتی رہیں گی کیونکہ حکومت لاہور کے شہریوں سے ٹی20 کے سنسنی خیز میچز کو چھیننا نہیں چاہتی تاہم صوبائی کابینہ پی سی بی کے ساتھ اس وقت تک مزید مذاکرات نہیں کرے گی جب تک کہ پی سی بی مستقبل میں استعمال ہونے والی سیکیورٹی لائٹس کی خریداری کے لیے 25 کروڑ روپے ادا کرنے کا عہد نہیں کرتا۔

ہفتہ کو پنجاب کابینہ کی میٹنگ کے بعد پی سی بی نے اس معاملے پر گفتگو کے لیے اپنا ایک اجلاس منعقد کیا تھا اور بورڈ کے ذرائع نے تصدیق کی تھی کہ اسے حکومت کی جانب سے 25 کروڑ روپے کی رقم کی زبانی پیشکش موصول ہوئی تھی لیکن بورڈ نے اس پر اتفاق نہیں کیا۔

ذرائع کا کہنا تھا کہ پی سی بی کا موقف بہت واضح ہے لیکن حکومت کا معاملہ ایسا نہیں ہے، پہلے پنجاب حکومت نے بورڈ کو 90کروڑ روپے کی ادائیگی کا بجٹ بھیجا تھا اور پھر بتدریج اسے کم کر کے 25کروڑ روپے کی ادائیگی کا مطالبہ کیا۔