وفاقی تعلیمی بورڈ نے اسناد کے حصول کیلئے خودکار مشین نصب کردی
وفاقی تعلیمی بورڈ نے تعلیمی اسناد کے حصول کے لیے خودکار مشین نصب کردی جس کے بعد طلبہ اپنا رول نمبر درج کر کے تعلیمی اسناد خود مشین سے وصول کر سکیں گے۔
ڈان نیوز کے مطابق وفاقی تعلیمی بورڈ نے تعلیمی اسناد کے لیے سیلف سروس مشین متعارف کرا دی ہے جس کے ذریعے طلبہ اپنا رول نمبر درج کر کے اپنی اسناد وصول کر سکیں گے۔
بورڈ کے چیئرمین قیصر عالم کہتے ہیں کہا طلبہ مشین کے ذریعے اسناد، مارک شیٹ اور دیگر سرٹیفکیٹ حاصل کر سکیں گے۔
طلبہ نے تعلیمی بورڈ کی اس سہولت کو سراہا ہے اور تعلیمی اسناد کے حصول میں آسانی پیدا کرنے کا سبب قرار دیا۔
مشین کے ذریعے دستاویزات کے حصول کے لیے فیس کی ادائیگی کے لیے آن لائن چالان بھی حاصل کیا جا سکتا ہے۔
طلبہ لمبی قطاروں کے بجائے اب چند منٹوں میں فیڈرل بورڈ کی سیلف سروس مشین کے ذریعے اپنی دستاویزات حاصل اور ان کی تصدیق کروا سکتے ہیں۔
لائیو ٹی وی