سندھ ہائیکورٹ بار ایسوسی ایشن کا امیدواران سے کاغذات نامزدگی چھیننے پر اظہار تشویش

شائع December 30, 2023
اعلامیے کے مطابق سپریم کورٹ نے بر وقت اور شفاف انتخابات کرانے کی یقین دہانی کرائی ہے—فائل فوٹو: اے ایف پی
اعلامیے کے مطابق سپریم کورٹ نے بر وقت اور شفاف انتخابات کرانے کی یقین دہانی کرائی ہے—فائل فوٹو: اے ایف پی

سندھ ہائی کورٹ بار ایسوسی ایشن نے امیدواران سے کاغذات نامزدگی چھیننے کے واقعے پر تشویش کا اظہار کیا ہے۔

ڈان نیوز کے مطابق بار کی جانب سے جاری کردہ اعلامے میں کہا گیا ہے کہ سپریم کورٹ نے بر وقت اور شفاف انتخابات کرانے کی یقین دہانی کرائی ہے، ہائی کورٹ بار سپریم کورٹ کے فیصلے کی مکمل حمایت کرتی ہے، امیدواروں سے کاغذات نامزدگی چھیننا اور الیکشن مہم میں رکاوٹیں ڈالنا آئین کی خلاف ورزی ہے۔

اعلامیے میں استدعا کی گئی ہے کہ الیکشن کمیشن سمیت متعلقہ ادارے ذمہ داران کے خلاف کارروائی کریں، سپریم کورٹ اور الیکشن کمیشن ایسے واقعات پر نوٹس لے، آئین پاکستان ہر سیاسی جماعت ہر شہری کو الیکشن میں حصہ لینے کی اجازت دیتا ہے، تمام ادارے سیاسی جماعتوں سمیت انفرادی حیثیت سے الیکشن میں حصہ لینے والوں کو لیول پلیئنگ فیلڈ دیں۔

کارٹون

کارٹون : 4 اکتوبر 2024
کارٹون : 3 اکتوبر 2024