بی این پی کے بیشتر امیدواروں کے کاغذات نامزدگی مسترد ہوگئے، اختر لانگو کا دعویٰ
بلوچستان نیشنل پارٹی (مینگل) کے رہنما اختر حسین لانگو کا کہنا ہے کہ ان کی جماعت کے بیشتر امیدواروں کے کاغذات نامزدگی مسترد ہوئے ہیں۔
اپنے بیان میں اختر حسین لانگو نے دعویٰ کیا کہ جن امیدواروں کے کاغذات نامزدگی مسترد ہوئے وہ ریٹرنگ افسران کے دفاتر کے باہر موجود ہیں، لیکن وہاں سے سرکاری عملہ غائب ہے۔
انہوں نے الزام عائد کیا کہ ریٹرننگ افسر کی جانب سے بی این پی کو مسترد آرڈر کی کاپی نہیں دی جا رہی۔
رہنما بی این پی کا کہنا تھا کہ مسترد آرڈر کی کاپی نہ ملنا اپیلیٹ ٹربیونلز میں جانے کی راہ میں رکاوٹ ہے کیونکہ جب تک مسترد آرڈر کی کاپی نہیں ملتی اپیلیٹ ٹربیونلز کے کیسز تیار نہیں ہو سکتے۔
لائیو ٹی وی