الیکشن کمیشن نے 31 دسمبر تک گوشوارے جمع نہ کروانے والے ارکان سینیٹ کے نام جاری کر دیے
الیکشن کمیشن نے 31 دسمبر تک گوشوارے جمع نہ کروانے والے ارکان سینیٹ کے نام جاری کر دیے ہیں۔
ڈان نیوز کے مطابق الیکشن کمیشن نے بتایا ہے کہ ایوان بالا کے 27 موجودہ اور ایک سابق رکن نے گوشواروں کی تفصیل جمع نہیں کروائی، 15 جنوری تک گوشوارے جمع نہ کروانے کی صورت میں 16 جنوری کو ان اراکین کی رکنیت معطل کر دی جائے گی، گوشوارے جمع نہ کروانے والوں میں یوسف رضا گیلانی، مصدق ملک، سیف اللہ نیازی، شاہین خالد بٹ، عون عباس، نزہت صادق شامل ہیں۔
اس کے علاوہ میاں رضا ربانی، امام الدین شوقین، محمد علی شاہ جاموٹ، فیصل سبزواری، میاں رضا ربانی، امام الدین شوقین، محمد علی شاہ جاموٹ، فیصل سبزواری سینٹر نثار کھوڑو، تاج حیدر، خالدہ عطیب، شوکت ترین، پیر صابر شاہ، لیاقت ترکئی، مولانا عطا الرحمن، ذیشان خانزادہ، ثانیہ نشتر، دنیش کمار، سمینہ ممتاز، سعید ہاشمی، محمد قاسم، محمد عبدالقادر، ہدایت اللہ، دوست محمد، گردیپ سنگھ نے بھی گوشوارے جمع نہیں کروائے ہیں۔
لائیو ٹی وی