کوئی بھی فوجداری کیس ملزم کی غیرموجودگی میں نہیں چل سکتا، وکیل سلمان صفدر
سابق صدر پرویز مشرف کے ورثا کے وکیل سلمان صفدر نے سپریم کورٹ کے فیصلے پر در عمل دیتے ہوئے کہا ہے کہ کوئی بھی فوجداری کیس ملزم کی غیرموجودگی میں نہیں چل سکتا۔
سپریم کورٹ کی جانب سے سابق فوجی آمر جنرل ریٹائرڈ پرویز مشرف کی سزا کے خلاف اپیل خارج کرکے خصوصی عدالت کا سزائے موت کا فیصلہ برقرار رکھنے کے فیصلے کے بعد سابق صدر پرویز مشرف کے ورثا کے وکیل سلمان صفدر نے میڈیاسےگفتگو کرتے ہوئے کہا کہ پرویز مشرف کی اپیل 4 سال عدالت میں پڑی رہی۔
ان کا کہنا تھا کہ پرویزمشرف کی اپیل ان کی زندگی میں کبھی نہیں سنی گئی، کوئی بھی فوجداری کیس ملزم کی غیر موجودگی میں نہیں چل سکتا۔
واضح رہے کہ سپریم کورٹ نے پرویز مشرف کو خصوصی عدالت سے ہونے والی سزا درست قرار دی ہے، چیف جسٹس قاضی فائز عیسٰی کی سربراہی میں 4 رکنی لارجر بینچ نے سماعت کی، بینچ میں جسٹس منصور علی شاہ ،جسٹس امین الدین خان اور جسٹس اطہر من اللہ شامل تھے۔
لائیو ٹی وی