آصف زرداری کی سابق گورنر چوہدری سرور کو پیپلز پارٹی میں شمولیت کی دعوت
پاکستان پیپلزپارٹی پارلیمنٹیرینز کے چیئرمین آصف علی زرداری نے سابق گورنر چوہدری سرور کو پیپلز پارٹی میں شمولیت کی دعوت دے دی۔
سابق گورنر پنجاب چوہدری سرور نے آصف علی زرداری سے لاہور کے بلاول ہاؤس میں ملاقات کی جس میں ملک کی سیاسی صورتحال پر گفتگو ہوئی۔
آصف علی زرداری نے لاہور سے قومی اسمبلی کے حلقہ این اے-127 میں چوہدری سرور کی جانب سے بلاول بھٹو کی حمایت پر ان کا شکریہ ادا کیا۔
دونوں رہنماؤں نے 8 فروری کو شیڈول الیکشن میں شفاف کی ضرورت پر زور دیا۔
ذرائع کا کہنا ہے کہ ملاقات میں آصف علی زرداری نے چوہدری سرور کو پیپلز پارٹی میں شمولیت کی دعوت دی اور سابق گورنر نے انہیں یقین دلایا کہ وہ این اے-127 میں بلاول بھٹو کے ساتھ بھرپور تعاون کریں گے۔
پارٹی میں شمولیت کی دعوت پر چوہدری سرور نے کہا کہ وہ مشاورت کے بعد اس حوالے سے فیصلہ کریں گے۔
لائیو ٹی وی