کووڈ میں مبتلا ہونے کے باوجود آسٹریلوی آل راؤنڈر ٹیسٹ ٹیم میں شامل
آسٹریلوی آل راؤنڈر کیمرون گرین نے آج ویسٹ انڈیز کیخلاف کھیلے جارہے دوسرے ٹیسٹ میچ کے پہلے روز کووڈ کے ساتھ شرکت کی۔
یاد رہے کہ ایک روز قبل آسٹریلوی کوچ اینڈریو مکڈونلڈ اور آل راؤنڈر کیمرون گرین کا کورونا وائرس کا ٹیسٹ مثبت آیا تھا، جس کے باعث دونوں کو اسکواڈ سے علیحدہ کردیا گیا تھا۔
تاہم برسبین میں ویسٹ انڈیز اور آسٹریلیا کے درمیان دوسرے ٹیسٹ میچ کے پہلے روز آسٹریلوی کرکٹر کیمرون گرین کووڈ کے ساتھ گراؤنڈ میں اترے۔
میچ کے دوران وہ دیگر کھلاڑیوں سے الگ رہے اور گراؤنڈ میں دیگر کھلاڑیوں سے ہاتھ ملانے سے بھی گریز کیا۔
انہیں میچ سے قبل ترانے کے وقت بھی دیگر کھلاڑیوں سے دور کھڑے دیکھا جاسکتا ہے۔
اس کے علاوہ ایک اور ویڈیو میں دیکھا جاسکتا ہے کہ جب ویسٹ انڈیز کا بلے باز آؤٹ ہوا تو آسٹریلوی کھلاڑی خوشی منانے کے لیے جمع ہوئے تو اس موقع پر کیمرون گرین بھی اپنے ٹیم کے کھلاڑیوں کے قریب آنے لگے۔
البتہ وہ اچانک کھلاڑیوں کے زیادہ نزدیک جانے سےرک گئے، ساتھی کرکٹر جوش ہیزل ووڈ نے بھی مزاقاً اور دلچسپ انداز میں انہیں پیچھے رہنے کا اشارہ کیا۔
یاد رہے کہ طے شدہ پروٹوکول کے تحت کووڈ مثبت ہونے کے باوجود کیمرون گرین میچ کھیل سکتے ہیں، ان کی میچ میں شرکت اس بات سے مشروط ہے کہ وہ کیسا محسوس کر رہے ہیں۔
لائیو ٹی وی