• KHI: Maghrib 7:26pm Isha 8:54pm
  • LHR: Maghrib 7:11pm Isha 8:50pm
  • ISB: Maghrib 7:22pm Isha 9:05pm
  • KHI: Maghrib 7:26pm Isha 8:54pm
  • LHR: Maghrib 7:11pm Isha 8:50pm
  • ISB: Maghrib 7:22pm Isha 9:05pm

جو ارکان ایوان کو جعلی سمجھتے ہیں وہ رکنیت چھوڑ دیں، سراج الحق

شائع March 3, 2024
انہوں نے کہا کہ جماعت اسلامی 10 فروری سے عوام کے مینڈیٹ کی ڈکیتی پر سراپا احتجاج ہے — فائل فوٹو
انہوں نے کہا کہ جماعت اسلامی 10 فروری سے عوام کے مینڈیٹ کی ڈکیتی پر سراپا احتجاج ہے — فائل فوٹو

امیر جماعت اسلامی سراج الحق نے مشورہ دیا ہے کہ جو ارکان ایوان کو جعلی سمجھتے ہیں وہ اپنی رکنیت چھوڑ دیں اور ہماری احتجاجی تحریک میں شامل ہو جائیں۔

ڈان نیوز کے مطابق اپنے بیان میں سراج الحق نے کہا کہ وزیر اعظم شہباز شریف دھاندلی کے خلاف صرف شور کی نہیں بہت زیادہ شور کی توقع رکھیں، دھاندلی کے خلاف شور انہیں چین نہیں لینے دے گا۔

انہوں نے کہا کہ جماعت اسلامی 10 فروری سے عوام کے مینڈیٹ کی ڈکیتی پر سراپا احتجاج ہے، الیکشن 2024 نے دھاندلی میں 2018 کے انتخابات کو بھی پیچھے چھوڑ دیا، پہلے ووٹ اب نتائج چوری ہوتے ہیں، الیکشن کمیشن کو عوام کا فیصلہ قبول کرنا ہوگا۔

سراج الحق نے شہباز شریف سے سوال کیا کہ کیا الیکشن چوری کرنے کے بعد میثاق معیشت اور میثاق مفاہمت ہو سکتا ہے۔

واضح رہے کہ گزشتہ روز منصورہ میں پریس کانفرنس کے دوران بھی انتخابات میں مبینہ دھاندلی کا الزام لگاتے ہوئے سراج الحق نے کہا تھا کہ پہلے ملک میں ووٹ چرائے جاتے تھے اس بار تو رزلٹ ہی چرا لیا گیا، افسو س کی بات ہے فارم 45 سے جیت والے باہر اور فارم 47 والے حلف لے رہے ہیں۔

ان کا کہنا تھا کہ دھاندلی شدہ انتخابات کو عوام نے یک زبان ہو کر مسترد کر دیا ہے، چوری شدہ رزلٹ سے بننے والی حکومت کو بھی مسترد کردیا ہے۔

امیر جماعت اسلامی نے کہا تھا کہ جماعت اسلامی کو اسمبلی سے باہر تو رکھ سکتے ہیں مگر چوک، چوراہوں پر عوام کی نمائندگی سے نہیں روک سکتے۔

کارٹون

کارٹون : 3 جولائی 2024
کارٹون : 2 جولائی 2024