کراچی: انتہائی مطلوب ایرانی کیمپ کی منشیات فروش خاتون ملزمان گرفتار
کراچی کے ضلع غربی کی پولیس نے انتہائی مطلوب ایرانی کیمپ کی منشیات فروش خاتون ملزمان کو گرفتار کرلیا۔
ترجمان ضلع غربی پولیس کے مطابق گرفتار دونوں خاتون ملزمان کے نام ٹاپ لسٹڈ نارکوٹکس ڈیلر کی فہرست اور آئی آر میں بھی شامل تھے۔
گرفتار خاتون ملزمان کے قبضے سے 2 کلو سے زائد چرس اور فروخت سے حاصل ہونے والی رقم برآمد کرلی گئی۔
ترجمان نے بتایا کہ خاتون ملزمان کے خلاف کنٹرول آف نارکوٹکس سبسٹینس ایکٹ کے تحت مقدمہ درج کرکے تفتیش کا آغاز کردیا گیا ہے۔
گرفتار خاتون ملزمان میں خدیجہ عرف شگفتہ اور شمع بی بی شامل ہیں۔
لائیو ٹی وی