گوجرانوالہ: بھٹی میں دھماکے سے ایک شخص جاں بحق، 11 زخمی
پنجاب کے ضلع گوجرانوالہ میں پیتل کی ایک بھٹی میں ہونے والے دھماکے میں ایک شخص جاں بحق جب کہ گیارہ زخمی ہوگئے۔
ڈان نیوز کی رپورٹ کے مطابق حادثہ جی ٹی روڑ پر واقع ایک بھٹی میں ہوا جس میں پیتل سے مختلف اشیا بنائی جاتی تھیں۔
رپورٹ کے مطابق دھماکا اتنا شدید تھا کہ اس کی آواز دور دور تک سنائی دی گئی، اطلاع ملتے ہی رسکیو ادارے جائے حادثہ کی جانب روانہ ہوگئے اور زخمیوں کو طبی امداد کی فراہمی کے لیے ہسپتال منتقل کیا۔
رپورٹ کے مطابق دھماکے میں ایک شخص جاں بحق جب کہ 11 زخمی ہوگئے، ریسکو ذرائع کے مطابق زخمیوں میں 5 مزدوروں کی حالت تشویشناک ہے۔
دھماکے کی شدت کے باعث بھٹی کا ایک حصہ زمین بوس ہوگیا، زخمیوں کو ریسکیو اہل کاروں نے ملبہ کاٹ کر نکالا۔
لائیو ٹی وی