سونے کی قیمتوں میں کمی، فی تولہ 2 ہزار 700 روپے سستا ہوگیا
ملک بھر میں سونے کی قیمتوں میں آج کمی کا رجحان دیکھا گیا اور فی تولہ سونا 2 ہزار 700 روپے سستا ہو گیا۔
سرکاری خبر رساں ادارے ’اے پی پی‘ کے مطابق جیولرز ایسوسی ایشن نے بتایا کہ 24 قیراط کے حامل خالص سونے کی فی تولہ قیمت 2 ہزار 700 روپے تنزلی سے 2 لاکھ 86 ہزار 400 روپے ریکارڈ کی گئی ہے۔
واضح رہے کہ 24 جنوری کو 24 قیراط فی تولہ سونے کے نرخ 2 ہزار 900 روپے بڑھ کر 2 لاکھ 89 ہزار 600 روپے کی بُلند سطح پر پہنچ گئے تھے۔
اسی طرح 24 قیراط کے حامل 10 گرام سونے کے دام 2 ہزار 315 روپے نیچے آگئے، جس کے بعد یہ 2 لاکھ 45 ہزار 541 روپے میں فروخت ہوا، جبکہ 22 قیراط 10 گرام سونے کی قیمت 2 لاکھ 25 ہزار 87 روپے ریکارڈ کی گئی۔
ادھر، چاندی کی فی تولہ اور 10 گرام قیمتیں بھی بالترتیب 32 روپے اور27 روپے تنزلی سے 3 ہزار 363 اور 2 ہزار 883 روپے پر آ گئیں۔
ایسوسی ایشن نے رپورٹ کیا کہ عالمی منڈی میں فی اونس سونے کے نرخ 26 ڈالر تنزلی سے 2 ہزار 741 ڈالر رہے۔
لائیو ٹی وی