سونا آج بھی مہنگا، قیمتیں ملکی تاریخ کی نئی بلند ترین سطح پرپہنچ گئیں
ملک بھر میں سونے کی قیمتوں میں تیزی کا سلسلہ آج بھی جاری رہا اور فی تولہ نرخ 1500 روپے اضافے سے نئی بلند ترین سطح پر پہنچ گئے۔
سرکاری خبر رساں ادارے ’اے پی پی‘ کے مطابق جیولرز ایسوسی ایشن نے رپورٹ کیا کہ 24 قیراط کے حامل خالص سونے کی فی تولہ قیمت ایک ہزار 500 روپے اضافے سے 2 لاکھ 91 ہزار 800 روپے کی نئی بلند ترین سطح پر پہنچ گئی۔
اسی طرح 10 گرام خالص سونے کے نرخ 1286 روپے بڑھ کر 2 لاکھ 50 ہزار 171 روپے تک پہنچے جبکہ 22 قیراط 10 گرام سونا 2 لاکھ 29 ہزار 331 روپے میں فروخت ہوا۔
واضح رہے کہ گزشتہ روز فی تولہ قیمت ایک ہزار 600 روپے اضافے سے تاریخ کی بلند ترین سطح 2 لاکھ 90 ہزار 300 روپے ریکارڈ کی گئی تھی۔
29 جنوری کو مقامی مارکیٹ سونے کی قیمت 2 ہزار 300 روپے فی تولہ بڑھ کر 2 لاکھ 88 ہزار 700 روپے پر پہنچ گئی تھی۔
اس سے قبل 28 جنوری کو 24 قیراط کے حامل خالص سونے کی فی تولہ قیمت 2 ہزار 700 روپے تنزلی سے 2 لاکھ 86 ہزار 400 روپے ریکارڈ کی گئی تھی۔
لائیو ٹی وی