سونے کی قیمت میں آج پھر بڑا اضافہ ہو گیا
ملک بھر میں سونے کی قیمتیں بڑھنے کا رجحان جاری ہے، آج بھی فی تولہ سونا 4 ہزار روپے کے بڑے اضافے سے نئی بُلند ترین سطح پر پہنچ گیا۔
سرکاری خبر رساں ادارے ’اے پی پی‘ کے مطابق آل پاکستان صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط کے حامل فی تولہ خالص سونے کے نرخ 4 ہزار روپے بڑھ کر 3 لاکھ 3 ہزار روپے ریکارڈ کیے گئے ہیں۔
اسی طرح 24 قیراط 10 گرام سونا 3 ہزار 429 روپے بڑھ کر 2 لاکھ 59 ہزار 773 روپے میں فروخت ہوا، جبکہ 22 قیراط 10 گرام سونے کا بھاؤ 2 لاکھ 38 ہزار 133 روپے تک پہنچ گیا۔
ادھر، چاندی کی فی تولہ اور 10 گرام قیمت بھی بالترتیب 43 روپے اور 37 روپے بڑھ کر 3 ہزار 373 اور 2 ہزار 891 روپے تک پہنچ گئی۔
ایسوسی ایشن نے رپورٹ کیا کہ عالمی منڈی میں فی اونس سونے کی قیمت 42 ڈالر اضافے سے 2 ہزار 903 ڈالر ریکارڈ کی گئی۔
لائیو ٹی وی