اسلام آباد، راولپنڈی میں زلزلے کے جھٹکے
وفاقی دارالحکومت اسلام آباد اور راولپنڈی میں زلزلے کے شدید جھٹکے محسوس کیے گئے ہیں۔
ڈان نیوز کے مطابق زلزلہ پیما مرکز نے بتایا کہ ریکٹر اسکیل پر زلزلے کی شدت 4.8 ریکارڈ کی گئی، اس کی گہرائی 17 کلومیٹر اور زلزلے کا مرکز راولپنڈی کے جنوب مشرق میں 8 کلومیٹر دور تھا۔
سرکاری ٹیلی ویژن پی ٹی وی نے رپورٹ کیا کہ زلزلے کے جھٹکے 10 بج کر 48 منٹ پر محسوس کیے گئے۔
آزاد کشمیر کے مختلف علاقوں میں بھی زلزلے کے جھٹکے محسوس کیے گئے، اسی طرح پنجاب کے ضلع چکوال اور گردونواح میں زلزلے کے جھٹکے محسوس کیے گئے۔
بلوچ، دھیرکوٹ، مری اور گردونواح میں بھی زلزلے کے جھٹکے محسوس کیے گئے۔
زلزلے کے باعث شہریوں میں خوف و ہراس پھیل گیا اور لوگ گھروں سے باہر نکل آئے، سرکاری خبر رساں ادارے ’اے پی پی‘ کے مطابق کسی جانی یا مالی نقصان کی کوئی اطلاع موصول نہیں ہوئی ہے۔
لائیو ٹی وی