ایلون مسک کو حکومتی فیصلے کرنے کا کوئی اختیار نہیں، وائٹ ہاؤس کی عدالت میں رپورٹ
وائٹ ہاؤس کی عدالت میں جمع کرائی گئی رپورٹ میں کہا گیا ہے کہ ایلون مسک ڈپارٹمنٹ آف گورنمنٹ ایفیشینسی (ڈی او جی ای) کے سرکاری ملازم نہیں ہیں، اور انہیں حکومتی فیصلے کرنے کا کوئی باضابطہ اختیار نہیں ہے۔
ڈان اخبار میں شائع فرانسیسی خبر رساں ادارے ’اے ایف پی‘ کی رپورٹ کے مطابق دنیا کے امیر ترین شخص کو وسیع پیمانے پر امریکی صدر ڈونلڈ ٹرمپ کے تشکیل کردہ محکمہ ڈی او جی ای کے حقیقی سربراہ کے طور پر دیکھا جاتا ہے، جس نے ہزاروں ملازمتوں میں کٹوتی سمیت سرکاری اخراجات میں زبردست کمی کرنے کی کوشش کی ہے۔
ٹرمپ نے نومبر میں اعلان کیا تھا کہ عظیم ایلون مسک، سرکاری کارکردگی کے محکمے کی قیادت کریں گے۔
دفتر انتظامیہ کے ڈائریکٹر جوشوا فشر کی جانب سے پیر کو جمع کرائی گئی فائل کے مطابق مسک وائٹ ہاؤس کے ملازم ہیں، نان کیریئر اسپیشل سرکاری ملازم اور ’صدر کے سینئر مشیر‘ کے طور پر کام کرتے ہیں۔
وائٹ ہاؤس کے دیگر سینئر مشیروں کی طرح مسک کے پاس حکومت کے فیصلے خود کرنے کا کوئی حقیقی یا باضابطہ اختیار نہیں ہے، ایلون مسک صرف صدر کو مشورہ دے سکتے ہیں اور صدر کی ہدایات سے آگاہ کر سکتے ہیں۔
یو ایس ڈی او جی سروس صدر کے ایگزیکٹو آفس کا ایک جز ہے، یو ایس ڈی او جی سروس عارضی تنظیم یو ایس ڈی او جی سروس کے اندر ہے، دونوں وائٹ ہاؤس آفس سے الگ ہیں۔
عدالت کو بتایا گیا کہ ایلون مسک وائٹ ہاؤس کے دفتر کے ملازم ہیں، وہ یو ایس ڈی او جی سروس یا یو ایس ڈی او جی ای سروس عارضی تنظیم کے ملازم نہیں ہے، مسٹر مسک عارضی ایڈمنسٹریٹر نہیں ہیں۔
لائیو ٹی وی