• KHI: Maghrib 6:50pm Isha 8:07pm
  • LHR: Maghrib 6:24pm Isha 7:47pm
  • ISB: Maghrib 6:31pm Isha 7:56pm
  • KHI: Maghrib 6:50pm Isha 8:07pm
  • LHR: Maghrib 6:24pm Isha 7:47pm
  • ISB: Maghrib 6:31pm Isha 7:56pm

سونا مسلسل تیسرے روز مہنگا، فی تولہ قیمت نئی بُلند ترین سطح پر پہنچ گئی

شائع February 19, 2025
— فائل فوٹو:
— فائل فوٹو:

ملک بھر میں سونے کی قیمتوں میں ریکارڈ ساز اضافے کا رجحان جاری ہے، آج بھی فی تولہ سونے کے نرخ 3 ہزار 800 روپے بڑھ کر 3 لاکھ 8 ہزار روپے کی نئی بُلند ترین سطح پر پہنچ گئے۔

سرکاری خبر رساں ادارے ’اے پی پی‘ کے مطابق آل پاکستان صرافہ جیمز اینڈ جیولرز ایسوسی ایشن نے بتایا کہ 24 قیراط کے حامل خالص سونے کے فی تولہ دام 3 ہزار 800 روپے بڑھ کر 3 لاکھ 8 ہزار روپے ریکارڈ کیے گئے۔

اسی طرح 24 قیراط 10 گرام سونے کے نرخ 3 ہزار 258 روپے اضافے سے 2 لاکھ 64 ہزار 60 روپے ہوگئے جبکہ 22 قیراط 10 گرام سونا 2 ہزار 986 روپے اضافے کے بعد 2 لاکھ 42 ہزار 63 روپے میں فروخت ہوا۔

ادھر، چاندی کی فی تولہ اور 10 گرام قیمتیں بھی بالترتیب 90 اور 77 روپے اضافے سے 3 ہزار 440 روپے اور 2 ہزار 949 روپے ریکارڈ کی گئی۔

ایسوسی ایشن نے رپورٹ کیا کہ عالمی منڈی میں فی اونس سونا 34 ڈالر بڑھ کر 2 ہزار 944 ڈالر تک پہنچ گیا۔

واضح رہے کہ 2024 کے اختتام پر ملک بھر میں سونے کی فی تولہ قیمت 2 لاکھ 72 ہزار 600 روپے ریکارڈ کی گئی تھی۔

یکم جنوری 2025 کے آغاز پر ملک میں سونے کی فی تولہ قیمت میں ایک ہزار روپے اضافے کے بعد 2 لاکھ 73 ہزار 600 روپے ہوگئی تھی۔

اس طرح رواں سال میں 2 مہینے کے اندر سونے کی قیمت میں 35 ہزار 400 کا اضافہ ہو چکا ہے۔

کارٹون

کارٹون : 4 اپریل 2025
کارٹون : 3 اپریل 2025