لاہور: محسن نقوی سے ڈومیسٹک کرکٹ میں بہترین کارکردگی دکھانے والے کھلاڑیوں کی ملاقات
چئیرمین پاکستان کرکٹ بورڈ (پی سی بی) محسن نقوی سےسے ڈومیسٹک کرکٹ میں بہترین کارکردگی دکھانے والے کھلاڑیوں نے ملاقات کی ہے، محسن نقوی نے کھلاڑیوں سے کرکٹنگ سکلز،پرفارمنس، ڈائٹ پلان، فٹنس اور ٹریننگ پرتفصیلی بات چیت کی۔
ڈان نیوز کے مطابق کھلاڑیوں نے ہائی پرفارمنس سنٹرز میں تربیت،فنٹس اور ڈائٹ پلان سے متعلق مسائل کے بارے میں آگاہ کیا۔
محسن نقوی نے کھلاڑیوں کی حوصلہ افزائی کی اور ان کے مسائل کے حل کیلئے متعلقہ حکام کو ہدایات دیں۔
چئیرمین پی سی بی نے ان اسٹار کھلاڑیوں کو تمام اکیڈمیز تک رسائی دینے کافیصلہ کرتے ہوئے کھلاڑیوں کی فنٹس کے لئے خصوصی طور پر ڈائٹ پلان تیار کرنے کی ہدایت کی۔
محسن نقوی نے کہا کہ کھلاڑیوں کی فزیکل ٹریننگ کے لیے ٹریننرز کی دستیابی یقینی بنائی جائے گی، آپ پاکستان کے مستقبل کے اسٹارز ہیں، آپ کے لئے وسائل کی فراہمی پاکستان کرکٹ کے روشن مستقبل پر سرمایہ کاری ہے۔
اس موقع پر چئیرمین پی سی بی نے کھلاڑیوں کی تجاویز کو نوٹ کیا اور موقع پر ہی احکامات جاری کیے، محسن نقوی سے ملاقات کرنے والے کھلاڑیوں میں محمد علی، علی رضا، احمد دانیال، نثار احمد، محمد ابتسام، محمد سلمان، آفاق آفریدی اور عبدالصمد شامل تھے
نوجوان کرکٹر سعد مسعود، خواجہ نافع، معاذ صداقت، عرفات منہاس، مبشر خان، حیدر علی، حسان نواز، فیصل اکرم، طاہر بیگ اور قاسم اکرم بھی ملاقات کرنے والوں میں شامل تھے۔
لائیو ٹی وی