سونا پھر مہنگا، فی تولہ قیمت 1500 روپے بڑھ گئی
ملک بھر میں آج سونے کی قیمتوں میں اضافہ ہوگیا۔
سرکاری خبر رساں ادارے ’اے پی پی‘ کے مطابق آل پاکستان صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط خالص سونے کے فی تولہ نرخ ایک ہزار 500 روپے اضافے سے 3 لاکھ ایک ہزار 500 روپے تک جاپہنچے۔
اسی طرح 24 قیراط 10 گرام سونا ایک ہزار 286 روپے مہنگا ہو کر 2 لاکھ 58 ہزار 487 روپے میں فروخت ہوا، جبکہ 22 قیراط 10 گرام سونے کے دام ایک ہزار 179 روپے بڑھ کر 2 لاکھ 36 ہزار 955 روپے تک جا پہنچے۔
ادھر، چاندی کی قیمتوں میں اضافہ دیکھا گیا، اور فی تولہ چاندی کی قیمت 30 روپے اضافے سے بڑھ کر 3 ہزار 270 روپے تک پہنچ گئی جبکہ 10 گرام چاندی کے نرخ 26 روپے اضافے سے 2 ہزار 803 روپے رہے۔
ایسوسی ایشن نے رپورٹ کیا کہ عالمی منڈی میں فی اونس سونا 12 ڈالر اضافے سے 2 ہزار 869 ڈالر میں فروخت ہوا۔
لائیو ٹی وی