ملک بھر میں سونے کی قیمتیں گر گئیں
ملک بھر میں سونے کی قیمتوں میں اتار چڑھاؤ کا رجحان برقرار ہے، آج پھر فی تولہ سونا ایک ہزار روپے سستا ہو گیا۔
سرکاری خبر رساں ادارے ’اے پی پی‘ کے مطابق آل پاکستان صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط فی تولہ خالص سونے کا بھاؤ ایک ہزار روپے گر کر 3 لاکھ 6 ہزار روپے رہا۔
اسی طرح 24 قیراط کے حامل 10 گرام خالص سونے کے دام 858 روپے تنزلی سے 2 لاکھ 62 ہزار 345 روپے رہے جبکہ 22 قیراط 10 گرام سونا 787 روپے گر کر 2 لاکھ 40 ہزار 491 روپے میں فروخت ہوا۔
ادھر، فی تولہ اور 10 گرام چاندی بالترتیب 12 روپے اور 10 روپے کمی سے 3 ہزار 388 روپے اور 2 ہزار 904 روپے رہی۔
ایسوسی ایشن نے رپورٹ کیا کہ عالمی منڈی میں فی اونس سونے کی قیمت 11 ڈالر گر کر 2 ہزار 910 ڈالر رہی۔
لائیو ٹی وی