سونے کی قیمت میں اضافے کا رجحان، فی تولہ سونا کتنا مہنگا ہوا؟
ملک بھر میں آج سونے کی قیمتوں میں اضافے کا رجحان دیکھا گیا۔
سرکاری خبر رساں ادارے ’اے پی پی‘ کے مطابق آل پاکستان صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط کے حامل فی تولہ خالص سونے کے دام 500 روپے بڑھ کر 3 لاکھ 6 ہزار 500 روپے تک جاپہنچے۔
اسی طرح 24 قیراط 10 گرام سونے کا بھاؤ 429 روپے بڑھ کر 2 لاکھ 62 ہزار 774 روپے ریکارڈ کیا گیا، جبکہ 22 قیراط 10 گرام سونا 393 روپے اضافے سے 2 لاکھ 40 ہزار 884 میں فروخت ہوا۔
ادھر، فی تولہ چاندی کی قیمت 52 روپے اضافے سے 3 ہزار 440 روپے تک پہنچ گئی جبکہ 10 گرام چاندی 45 روپے بڑھ کر 2 ہزار 949 روپے میں فروخت ہوئی۔
ایسوسی ایشن نے رپورٹ کیا کہ عالمی منڈی میں فی اونس سونے کے نرخ 5 ڈالر بڑھ کر 2 ہزار 915 ڈالر ریکارڈ کیے گئے۔
لائیو ٹی وی