سونے کی قیمتوں میں یکدم بڑا اضافہ، فی تولہ نرخ بلند ترین سطح پر پہنچ گئے
ملک بھر میں سونے کی فی تولہ قیمتیں 2 ہزار 800 روپے کے بڑے اضافے سے 3 لاکھ 9 ہزار 300 روپے کی نئی بُلند ترین سطح پر پہنچ گئیں۔
سرکاری خبر رساں ادارے ’اے پی پی‘ کے مطابق آل پاکستان صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط کے حامل فی تولہ خالص سونے کے نرخ 2 ہزار 800 روپے بڑھ کر 3 لاکھ 9 ہزار 300 روپے تک پہنچ گئے۔
اسی طرح 24 قیراط کے حامل 10 گرام سونے کا بھاؤ 2 ہزار 400 روپے اضافے سے 2 لاکھ 65 ہزار 174 روپے ہو گیا، جبکہ 22 قیراط 10 گرام سونا 2 ہزار 201 روپے بڑھ کر 2 لاکھ 43 ہزار 85 روپے میں فروخت ہوا۔
ادھر، فی تولہ اور دس گرام چاندی کی قیمتیں بالترتیب 3,440 روپے اور 2,949 روپے پر برقرار رہیں۔
ایسوسی ایشن نے رپورٹ کیا کہ عالمی منڈی میں فی اونس نرخ 27 ڈالر اضافے سے 2 ہزار 942 ڈالر ریکارڈ کیے گئے ہیں۔
واضح رہے کہ 20 فروری 2025 کو فی تولہ خالص سونے کا بھاؤ ایک ہزار روپے اضافے سے تاریخ کی بُلند ترین سطح 3 لاکھ 9 ہزار روپے تک پہنچ گیا تھا۔
اسی طرح 24 قیراط 10 گرام سونے کے دام 857 روپے بڑھ کر 2 لاکھ 64 ہزار 917 روپے ریکارڈ کیے گئے تھے، جبکہ 22 قیراط 10 گرام سونا 786 روپے مہنگا ہو کر 2 لاکھ 42 ہزار 849 روپے میں فروخت ہوا تھا۔
اس سے ایک روز قبل (19 فروری) فی تولہ سونے کے نرخ 3 ہزار 800 روپے بڑھ کر 3 لاکھ 8 ہزار روپے کی بُلند ترین سطح پر پہنچے تھے۔
لائیو ٹی وی