مصطفیٰ عامر قتل کیس: ملزم ارمغان اور صحافیوں کا اے ٹی سی کمپلیکس میں داخلہ بند
کراچی کے علاقے ڈیفنس کے رہائشی نوجوان مصطفیٰ عامر کے قتل کے مقدمے کی انسداد دہشت گردی کی خصوصی عدالت (اے ٹی سی) میں سماعت کے موقع پر صحافیوں سمیت ملزم ارمغان کو عدالتی کمپلیکس میں داخلے سے روک دیا گیا۔
ڈان نیوز کے مطابق کراچی کی انسداد دہشت گردی عدالت میں مصطفیٰ عامر قتل کیس کی سماعت کے موقع پر صحافیوں کا اے ٹی سی کمپلیکس میں داخلہ بند کردیا گیا۔
سیکیورٹی اہلکار کے مطابق صحافیوں کو داخلے کی اجازت نہیں ہے، ہمیں اعلیٰ افسران نے منع کیا ہے۔
ملزم ارمغان کے والد کامران اصغر قریشی کو بھی عدالت میں داخلے سے روک دیا گیا، جس پر کامران قریشی نے اے ٹی سی میں بیٹے سے ملاقات کی درخواست دائر کردی۔
درخواست گزار کے مطابق ارمغان کے لیے نیا وکیل کیا ہے، بیٹے سے ملنےکی اجازت دی جائے، تاکہ اسے آگاہ کر سکوں۔
درخواست میں کہا گیا ہے کہ اینٹی وائلنٹ کرائم سرکل (اے وی سی سی) پولیس بھی بیٹے سے ملنے کی اجازت نہیں دے رہی، لہٰذا ملاقات کروائی جائے۔
لائیو ٹی وی