• KHI: Maghrib 6:50pm Isha 8:07pm
  • LHR: Maghrib 6:24pm Isha 7:47pm
  • ISB: Maghrib 6:31pm Isha 7:56pm
  • KHI: Maghrib 6:50pm Isha 8:07pm
  • LHR: Maghrib 6:24pm Isha 7:47pm
  • ISB: Maghrib 6:31pm Isha 7:56pm

عید الفطر سے قبل بانی پی ٹی آئی کا سامان اڈیالہ جیل پہنچا دیا گیا

شائع March 29, 2025
— فائل فوٹو: پی ٹی آئی یوٹیوب
— فائل فوٹو: پی ٹی آئی یوٹیوب

عید الفطر سے قبل سابق وزیراعظم اور پاکستان تحریک انصاف (پی ٹی آئی) کے بانی عمران خان کا سامان اڈیالہ جیل پہنچا دیا گیا۔

ڈان نیوز کے مطابق بانی پی ٹی آئی عمران خان کو عید پر پہننے کے لیے 4 جوڑے نئے کپڑے، جوتے اور ویسٹ کوٹ اڈیالہ جیل پہنچائی گئیں۔

عمران خان کے لیے یہ تمام سامان اور کپڑے لے کر سلام شاہ نامی شخص اڈیالہ جیل پہنچا جو گیٹ نمبر 5 سے اندر داخل ہوا جب کہ سامان اور عید کے کپڑے جیل انتظامیہ کے حوالے کیے جائیں گے۔

واضح رہے کہ گزشتہ روز انسداد دہشت گردی عدالت رالپنڈی نے عمران خان کی جیل میں کتابیں فراہم کرنے اور بچوں سے ٹیلی فون پر گفتگو کروانے کی درخواستیں منظور کرلی تھیں۔

انسداد دہشتگردی عدالت کے جج امجد علی شاہ نے بانی پی ٹی آئی کی دونوں درخواستیں منظور کرتے ہوئے جیل سپرنٹنڈنٹ کو ہدایات جاری کر دیں۔

عدالتی حکم نامے میں کہا گیا کہ ملزم کو کتابیں فراہم کی جائیں اور عید سے قبل ملزم کی بچوں سے ٹیلی فونک گفتگو بھی کرائی جائے۔

کارٹون

کارٹون : 4 اپریل 2025
کارٹون : 3 اپریل 2025