اسلام آباد کے سیکٹر ایف 8 میں چینی خاتون کی پراسرار موت
اسلام آباد کے سیکٹر ایف 8 میں 42 سالہ چینی خاتون کی پراسرار موت واقع ہوئی ہے، پولیس کی جانب سے لاش تحویل میں لے کر قانونی کارروائی کا آغاز کر دیا گیا۔
ڈان نیوز کے مطابق وفاقی دارالحکومت کے سیکٹر ایف 8 میں رہائش پذیر چینی خاتون کی موت سے متعلق ان کے ساتھیوں نے اطلاع دی۔
پولیس حکام کے مطابق چینی خاتون کے ساتھیوں کی جانب سے ایک فون کال موصول ہوئی جس میں 42 سالہ خاتون کی ہلاکت سے متعلق آگاہ کای گیا۔
پولیس کا کہنا تھا کہ چینی خاتون کی موت سیکٹر ایف 8 میں ان کی رہائش گاہ میں ہوئی ہے، پولیس نے خاتون کی لاش تحویل میں لے کر قانونی کاروائی کا آغاز کر دیا ہے۔
چینی ساتھی نے بیان دیا کہ خاتون کی صبح طبیعت خراب ہوئی جس کے بعد وہ اپنے کمرے میں سو گئی تھی۔
پولیس حکام کے مطابق چینی خاتون کی موت بارے کچھ کہنا قبل از وقت ہے، پوسٹ مارٹم کے بعد ہی حقائق سامنے آئیں گے۔
لائیو ٹی وی