نوابشاہ: صدر مملکت کی پارٹی قیادت اور ورکرز سے بلاول ہاؤس میں ملاقات
صدر مملکت آصف علی زرداری نے بلاول ہاؤس نوابشاہ میں پیپلزپارٹی کے ورکرز اور پارٹی قیادت سے ملاقاتیں کیں جس میں سندھ میں عوامی فلاحی منصوبوں اور درپیش مسائل پر بھی گفتگو کی گئی۔
ڈان نیوز کے مطابق صدر پاکستان سے پیپلز پارٹی سندھ کے ورکرز اور پارٹی قیادت نے بلاول ہاؤس نوابشاہ میں ملاقات کی جس میں صوبے کی مجموعی سیاسی صورتحال اور ترقیاتی منصوبوں پر تبادلہ خیال کیا گیا۔
ایوانِ صدر پریس ونگ سے جاری اعلامیہ کے مطابق ملاقات میں رکن سندھ اسمبلی اور پیپلز پارٹی ویمن ونگ کی مرکزی صدر فریال تالپور بھی موجود تھیں ۔
ملاقات میں صوبے میں عوامی فلاحی منصوبوں اور درپیش مسائل پر بھی گفتگو کی گئی جب کہ صدر مملکت نے حکومت کو عوام کو درپیش مسائل اور ترقیاتی منصوبے ترجیحی بنیادوں پر مکمل کرنے کی ہدایت کی۔
لائیو ٹی وی