خیبرایجنسی:ڈان نیوز ٹی وی نے ذرائع کا حوالہ دیتے ہوئے رپورٹ دی ہے کہ قبائلی علاقے خیبر ایجنسی کے شہر جمرود کے علاقے وزیر ڈھنڈ میں آج صبح نیٹو کنٹینرز پر نامعلوم مسلح افراد نے آتشیں اسلحے کا استعمال کرتے ہوئے فائرنگ کی جس سے دو افراد ہلاک ہوگئے، جبکہ ایک شخص زخمی ہوگیا۔

ذرائع کے مطابق نامعلوم حملہ آوروں نے تین نیٹو کنٹینرزپر فائرنگ کی جس کے نتیجے میں ڈرائیور اور کلنیر ہلاک جبکہ ایک شخص زخمی ہوا، حملہ آوروں نے فائرنگ کے بعد کنٹینر کو آگ لگا دی ۔

یاد رہے کہ ایک ہفتہ پہلے پیر ہی کے روز شدت پسندوں نے خیبر ایجنسی میں ہی نیٹو کے ایک کنٹینر پر حملہ کیا تھا، جس سے چھ افراد زخمی ہوگئے تھے۔