ریحام خان کی کتاب آن لائن فروخت کے لیے پیش
پاکستان تحریک انصاف (پی ٹی آئی) کے چیئرمین عمران خان کی سابق اہلیہ، ٹی وی اینکر، صحافی اور سماجی کارکن ریحام خان کی سوانح حیات کو آن لائن فروخت کے لیے پیش کردیا گیا۔
خیال رہے کہ ریحام خان کی سوانح حیات پر صوبہ پنجاب کے شہر ملتان کی عدالت نے درخواست گزار غلام مصطفیٰ کی درخواست پر اشاعت سے متعلق حکم امتناع جاری رکھا ہے۔
عدالت سے درخواست کی گئی تھی کہ ریحام خان کی کتاب میں حقائق کو توڑ مروڑ کر پیش کیا گیا ہے، اس لیے اس کی اشاعت پر پابندی عائد کی جائے، جس کے بعد عدالت نے اس پر حکم امتناع جاری کردیا۔
تاہم اب ریحام خان کی سوانح حیات کو امریکی آن لائن اسٹور ‘ایمازون’ پر فروخت کے لیے پیش کردیا گیا، دنیا کے متعدد ممالک کے لوگ اس کتاب کی سافٹ کاپی آن لائن خرید سکتے ہیں۔
It's here!!!
— Reham Khan (@RehamKhan1) July 12, 2018
Available in paperback in the UK and select territories, and worldwide in Ebook format'. pic.twitter.com/YWLsn8YmPk
کتاب کا نام ‘ریحام خان’ رکھا گیا ہے، جب کہ 563 صفحات پر مشتمل اس کتاب کی سافٹ کاپی کی قیمت 10 ڈالر کے قریب یعنی پاکستانی ایک ہزار روپے سے زائد رکھی گئی ہے۔
یہ بھی پڑھیں: ریحام خان کی کتاب میں کیسی باتیں ہیں؟
اس کتاب کو ‘ایمازون’ کے کنڈل ایڈیشن پر فروخت کے لیے پیش کیا گیا ہے، جس کے تحت اس کتاب کو وہی شخص خرید سکتا ہے، جس کا ایمازون پر پہلے سے اکاؤنٹ موجود ہوگا۔
اس کتاب کو امریکا اور برطانیہ سمیت متعدد یورپی ممالک میں بھی فروخت کے لیے پیش کیا گیا ہے۔
کتاب کو آن لائن فروخت کے لیے پیش کیے جانے کے حوالے سے ریحام خان نے بھی ٹوئیٹ کی، جب کہ پاکستان کے متعدد افراد نے اس کتاب کو آن لائن پڑھنے کا دعویٰ کرتے ہوئے ٹوئیٹس کیں۔
Extra extra read all about it. Just got my online copy of @RehamKhan1 ‘s book. I can already feel the juice!!
— Shehryar Taseer (@shehryar_taseer) July 12, 2018
اس کتاب میں ریحام خان نے عمران خان کے ساتھ گزاری گئی زندگی سمیت اپنی مکمل زندگی کا تفصیلی بیان پیش کیا ہے۔
علاوہ ازیں ریحام خان نے کتاب میں پاکستان کے سیاسی و سماجی مسائل سمیت دیگر موضوعات پر بھی کھل کر بات کی ہے۔
Striking opening, shocked, an opening which may crush your heart if you could swap your shoes to her.#RehamKhan
— مُصحفِی (@shahzadakhtar00) July 12, 2018
کتاب کے شائع ہونے سے قبل ہی سوشل میڈیا پر کتاب کے مواد کے حوالے سے مختلف دعوے کیے جاتے رہے، جب کہ اس پر ریحام خان اور پی ٹی آئی ارکان کے درمیان بھی سوشل میڈیا پر آن لائن لفظی جنگ جاری رہے۔
مزید پڑھیں: ریحام خان نے کتاب میں کیا لکھا ہے، حمزہ علی عباسی نے بتادیا
Reham exposed the real face of politics.
— Siddique manzar (@Siddiquemanzar1) July 12, 2018
کتاب کو آن لائن فروخت کیے جانے کے بعد پاکستان میں ٹوئٹر پر ریحام خان کا ٹرینڈ بھی مقبول رہا، جس میں کئی افراد نے دعویٰ کیا کہ انہوں نے کتاب پڑھی ہے، جس میں کئی انکشافات کیے گئے ہیں۔
#RehamKhan on marriage: "I see beautiful, amazing, young, and capable women
— Hamna Zubair (@hamnazubair) July 12, 2018
settle for complete losers on a daily basis. It pains me to see these women compromising their dreams just because they have a fear of being left behind."
تاہم تاحال اس کتاب پر پاکستان کے کسی بھی نشریاتی ادارے میں کوئی تبصرہ شائع نہیں ہوا۔
انتخابات کے دنوں میں ریحام خان کی کتاب کے سامنے آنے کو تحریک انصاف کے نتائج کے حوالے سے اہم سمجھا جا رہا ہے۔
From what I have read of @RehamKhan1 ‘s book so far, I am only in awe of her courage and send wishes of strength and support her way. She tells what she heard and saw and I am sure is fully aware of the consequences xx
— Mahwash Ikhlaq (@mahwash26) July 12, 2018
لائیو ٹی وی