لاپتا طالب علم کی لاش اسلام آباد کی مارگلہ ہائیکنگ ٹریل سے مل گئی
گزشتہ ہفتے لاپتا ہونے والا طالبعلم اسلام آباد کی مارگلہ ہائیکنگ ٹریل فائیو کے قریب ایک کھائی میں مردہ حالت میں پایا گیا۔
’ڈان نیوز‘ کی رپورٹ کے مطابق مبینہ طور پر لاپتا طالب علم طحہ کی لاش ٹریل فائیو میں واقع ایک کھائی میں دیکھی گئی جب کہ نوجوان کی والدہ اور دیگر لواحقین لاش کی شناخت کے لیے وہاں موجو د تھے۔
پولیس ذرائع کے مطابق طالبعلم کی لاش کی نشاندہی محکمہ جنگلات کے لوگوں نےکی، طالبعلم کی لاش ایک گہری کھائی میں سے ملی جس کے بارے میں کہا جا رہا ہے کہ وہ اس میں گرگیا تھا۔
پولیس اور ریسکیو اہلکار تاحال لاش کو نکالنے میں کوشاں تھے جب کہ لاش کو نکالنے کے لیے لوہے دندی کے مقام سے راستہ استعمال کیے جانے کی تجویز دی گئی تھی۔
پولیس کا کہنا تھا کہ محکمہ جنگلات کے عملے نے جو حلیہ بتایا ہے اس سے خیال ہے کہ یہ وہی لڑکا ہے۔
طلحہ نامی طالبعلم 3 روز قبل ٹریل فائیو سے لاپتا ہوگیا تھا، اس کی گمشدگی کا مقدمہ نوجوان کی والدہ کی مدعیت میں تھانہ سیکرٹریٹ میں درج کیا گیا تھا۔
لائیو ٹی وی