ملک بھر میں آج پھر سونے کی قیمتوں میں اضافہ
ملک بھر میں آج پھر سونے کی قیمتوں میں اضافہ ہو گیا۔
سرکاری خبر رساں ادارے ’اے پی پی‘ کی رپورٹ کے مطابق آل پاکستان صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط کے حامل فی تولہ خالص سونے کی قیمت میں ایک ہزار روپے اضافے سے 3 لاکھ 8 ہزار روپے ریکارڈ کی گئی ہے۔
اسی طرح 24 قیراط کے حامل 10 گرام سونے کی قیمت 857 روپے بڑھ کر 2 لاکھ 64 ہزار 60 روپے تک جاپہنچی، جبکہ 22 قیراط 10 گرام سونا 785 روپے مہنگا ہو کر 2 لاکھ 42 ہزار 63 روپے میں فروخت ہوا۔
ادھر، فی تولہ چاندی کی قیمت 50 روپے کی تنزلی سے 3 ہزار 380 روپے اور 10 گرام کے نرخ 43 روپے کم ہو کر 2 ہزار 897 روپے پر آگئے۔
ایسوسی ایشن نے رپورٹ کیا کہ عالمی منڈی میں سونے کے دام 6 ڈالر بڑھ کر 2 ہزار 936 ڈالر پر پہنچ گئے۔
لائیو ٹی وی