بلندی پر پہنچنے کے بعد آج سونا کتنا سستا ہوا؟
بلندی پر پہنچنے کے بعد آج سونے کی فی تولہ قیمتوں میں 30 روپے کی کمی ہوگئی۔
سرکاری خبر رساں ادارے ’اے پی پی‘ کے مطابق آل پاکستان صرافہ جیولرز ایسوسی ایشن نے بتایا کہ 24 قیراط خالص سونے کی فی تولہ قیمت 300 روپے کمی سے 3 لاکھ 13 ہزار 700 روپے ہو گئی۔
اسی طرح 24 قیراط 10 گرام سونا 257 روپے سستا ہو کر 2 لاکھ 68 ہزار 947 روپے میں فروخت ہوا، جبکہ 22 قیراط 10 گرام سونے کا بھاؤ 236 روپے گر کر 2 لاکھ 46 ہزار 543 روپے ریکارڈ کیا گیا۔
ادھر، چاندی کی فی تولہ اور 10 گرام قیمیتں بالترتیب 3 ہزار 530 روپے اور 3 ہزار 26 روپے پر مستحکم رہیں۔
ایسوسی ایشن نے رپورٹ کیا کہ عالمی منڈی میں فی اونس سونے کی قیمت 4 ڈالر تنزلی سے 2 ہزار 984 ڈالر ریکارڈ کی گئی۔
واضح رہے کہ گزشتہ روز ملک بھر میں سونے کے فی تولہ نرخ 4 ہزار 700 روپے اضافے سے تاریخ میں پہلی بار 3 لاکھ 14 ہزار روپے تک پہنچ گئے تھے۔
اسی طرح 24 قیراط 10 گرام سونے کے نرخ 4 ہزار 30 روپے بڑھ کر 2 لاکھ 69 ہزار 204 روپے تک جا پہنچے جبکہ 22 قیراط 10 گرام سونا 3 ہزار 694 روپے اضافے سے 2 لاکھ 46 ہزار 779 روپے میں فروخت ہوا تھا۔
لائیو ٹی وی