پریڈی تھانے پر دستی بم حملے کی تفتیش سی ٹی ڈی کو منتقل کرنے کی درخواست
کراچی میں سینئر سپرنٹنڈنٹ آف پولیس (ایس ایس پی) تفتیش جنوبی نے پریڈی تھانے پر دستی بم حملے کے مقدمے کی تفتیش محکمہ انسداد دہشت گردی (سی ٹی ڈی) کو منتقل کرنے کی درخواست ڈی آئی جی جنوبی کو ارسال کر دی۔
ڈان نیوز کے مطابق ایس ایس پی انویسٹی گیشن ضلع جنوبی کی جانب سے ڈی آئی جی جنوبی کو لکھے گئے خط میں کہا گیا ہے کہ پریڈی تھانے پر حملے کی تفتیش سی ٹی ڈی کو منتقل کی جائے، سینئر تفتیشی افسران نے ابتدائی تفتیش مکمل کر لی ہے، کیس پر مدد کے لیے متعلقہ ایجنسیوں کو بھی خطوط لکھ دیے ہیں۔
ایس ایس پی کی جانب سے انکشاف کیا گیا کہ تفتیش کے دوران کالعدم تنظیم کا خط سامنے آیا، سندھ ریوولیوشن آرمی نے سوشل میڈیا پر حملے کی ذمہ داری قبول کی، کالعدم تنظمیں انسداد دہشت گردی کا مینڈیٹ ہیں۔
ایس ایس پی کی جانب سے کہا گیا ہے کہ پریڈی تھانے پر حملہ دہشت گردی کی منظم کارروائی ہے، اس کیس کو تفتیش کے لیے سی ٹی ڈی منتقل کیا جائے، تاکہ ملزمان کا سراغ لگا کر ان تک پہنچا جاسکے۔
لائیو ٹی وی