سونا آج پھر مہنگا، فی تولہ قیمت میں کتنا اضافہ ہوا؟
ملک بھر میں آج بھی سونے کی قیمتوں میں 700 روپے کا اضافہ دیکھا گیا ہے۔
سرکاری خبر رساں ادارے ’اے پی پی‘ کے مطابق آل پاکستان صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط فی تولہ خالص سونے کے نرخ 700 روپے اضافے سے 3 لاکھ 7 ہزار روپے تک جا پہنچے۔
اسی طرح 24 قیراط 10 گرام سونا 601 روپے مہنگا ہو کر 2 لاکھ 63 ہزار 203 روپے میں فروخت ہوا جبکہ 22 قیراط 10 گرام سونے کے دام 551 روپے اضافے سے 2 لاکھ 41 ہزار 278 روپے رہے۔
ادھر، فی تولہ اور 10 گرام چاندی کے دام 54 روپے اور 46 روپے بڑھ کر بالترتیب 3 ہزار 369 اور 2 ہزار 888 روپے رہے۔
ایسوسی ایشن نے رپورٹ کیا کہ عالمی منڈی میں فی اونس سونے کی قیمت 5 ڈالر اضافے سے 2 ہزار 916 ڈالر تک جاپہنچی۔
واضح رہے کہ گزشتہ روز ملکی صرافہ مارکیٹوں میں فی تولہ سونا 4 ہزار 800 روپے کے اضافے سے 3 لاکھ 6 ہزار 300 روپے کی سطح پر جا پہنچا تھا، 10 گرام سونے کی قیمت 4 ہزار 115 روپے کے اضافے سے 2 لاکھ 62 ہزار 602 روپے ہوگئی تھی۔
عالمی مارکیٹ میں سونا 47 ڈالر کے اضافے کے بعد 2 ہزار 916 ڈالر فی اونس کا ہوگیا، جس کے اثرات پاکستان میں بھی دیکھے گئے اور سونے کی قیمت ریکارڈ سطح پر جاپہنچی تھی۔
لائیو ٹی وی