ایڈیشنل رجسٹرار نذرعباس ریٹائرمنٹ کے بعد دوبارہ سپریم کورٹ میں تعینات
سابق ایڈیشنل رجسٹرار نذر عباس کو ریٹائرمنٹ کے بعد دوبارہ سپریم کورٹ میں تعینات کردیا گیا۔
ڈان نیوز کے مطابق سابقہ ایڈیشنل رجسٹرار نذرعباس کو سپریم کورٹ آف پاکستان میں ڈائریکٹر جنرل (جوڈیشل ونگ) تعینات کیا گیا ہے۔
نذرعباس کو گریڈ 21 میں 6 ماہ کی مدت کے لیے تعینات کیا گیا ہے۔
واضح رہے کہ سابق ایڈیشنل رجسٹرار نذر عباس کو گزشتہ ماہ توہین عدالت کا سامنا بھی کرنا پڑا تھا، جب ایک مقدمے کی سماعت کے دوران انہیں توہین عدالت کا نوٹس دیا گیا تھا۔
21 جنوری 2025 کو سپریم کورٹ نے ایڈیشنل رجسٹرار جوڈیشل نذر عباس کو عہدے سے ہٹا دیا تھا۔
سپریم کورٹ کی جانب سے ایڈیشنل رجسٹرار جوڈیشل کو عہدے سے ہٹانے کا اعلامیہ جاری کر دیا گیا۔
اعلامیے میں کہا گیا تھا کہ ایڈیشنل رجسٹرار جوڈیشل نذر عباس سنگین غلطی کے مرتکب ہوئے، رجسٹرار سپریم کورٹ کو معاملے کو دیکھنے کی ہدایت کی گئی ہے۔
27 جنوری 2025 کو سپریم کورٹ نے ایڈیشنل رجسٹرار نذرعباس کے خلاف توہین عدالت کا نوٹس واپس لے لیا تھا۔
لائیو ٹی وی